“Big Brother VIP Albania” ndodhet drejt fundit dhe javën tjetër do të kemi një fitues. Pas të premtes, konkurrentët e fundit do të dalin për të vazhduar jetën e tyre normale.
Një ndër banorët që mendohet se mund të fitoj çmimin e madh është aktori, Donald Veshaj, i cili është bërë kryefjala e shumë medieve rozë, për shkak të romancës me Beatrix Ramosaj.
Aktori ka marrë mbështetje të madhe sidomos nga figurat publike, si Mozzik, Blerim Destani, Stresi, Don Xhoni, etj.
Së fundmi listës i është bashkuar edhe Granit Xhaka.
Futbollisti i njohur ka realizuar një video të veçantë në Instastory ku ka veshur një bluzë me emrin e Donaldit.
“Donald, si fillim më li të flas. Suksese në finale jemi me ty, forca!” -thotë ai.
Zyrtarisht finalistë janë aktori Donald Veshaj, balerini Ilir Shaqiri, modelja Beniada Nishani dhe moderatorja Einxhel Shkira.
Katër banorët e mbetur janë në garë për çmimin kryesor prej 115 mijë eurosh, fitues do të shpallet në finalen e madhe që mbahet më 18 shkurt.
Kujtojmë që formati i “Big Brother VIP” u rikthye pas katër vitesh dhe për herë të parë pjesë e tij u bën personazhe të njohura.
