Yll Limani dhe Don Xhoni janë dy ndër këngëtarët më në zë të momentit. Pavarësisht hiteve dhe koncerteve të shumta, ata të dy janë shfaqur së bashku.
Ylli ka publikuar një video në Instagram, ku bën shaka me Don Xhonin teksa thotë se reperi e ka “marrë peng”.
Ja cfarë thotë Ylli: “Pas koncertit sonte ky ka ardhur me njerëzit e tij dhe më ka marrë mund të them peng. Ndihmë, më ndihmoni”. Nga ana tjetër, reperi nuk i kursen të qeshurat dhe thotë se kjo gjë nuk është e vërtetë. Më pas ata qeshin me batutat e njeri tjetrit. Epo ata kanë një raport të mirë miqësor.
Nga ana tjetër, kujtojmë që Ylli ka një shoqëri shumë të ngushtë edhe me reperin Noizy. Ata kanë publikuar bashkëpunimin “Alkool’ që ka korrur mjaft sukses dhe ka marrë miliona klikime në Youtube.
Më herët, edhe Noizy publikoi një video “funny” me Yllin, të cilin e konsideroi si “njeriun më të besdishëm në botë.” Ndërkohë shakanë e vazhdoi edhe këngëtari.
Biseda:
Noizy: Nëse ka njeri më të besdisshëm në botë, në rruzullin tokësor, është vetëm ky.
Yll Limani: Është e vërtetë por si e ke kuptuar kaq shpejt?
Noizy: Ja 5 minuta me ty edhe e kuptova direkt.
