Dështoi në 2020-ën, Kanye West synon sërish politikën! Reperi tregon iniciativën që dëshiron të realizojë

Kanye West ka thënë se është i hapur për t’u rikthyer në politikë, duke këmbëngulur se ai nuk është demoralizuar nga oferta e tij e dështuar presidenciale në vitin 2020.

Reperi i njohur deklaroi së fundmi në “Abc” se ka synime të futet në politikë dhe me ndikimin e tij kërkon të gjejë kurën e sëmundjes së kancerit, madje do të promovojë edhe ajrin e pastër dhe ushqimin e shëndetshëm.

Reperi, babai i të cilit luftoi me kancerin në stomak në vitin 2018, tha se ka ndërmend të punonjë për të kuruar këtë lloj sëmundjeje. Ai tha se do të punonte në promovimin e ‘ajrit të pastër dhe ushqimit’.

Kjo nuk është përpjekja e parë e Kanye West për t’u marrë me politikë. Reperi amerikan njoftoi fushatën e tij për zgjedhjet presidenciale të Shteteve të Bashkuara në 2020-tën përmes Twitter-it. Më 16 korrik 2020, fushata paraqiti një Deklaratë Kandidimi në Komisionin Federal të Zgjedhjeve.

Ai hyri në zgjedhje pasi humbi afatet e të paktën gjashtë shteteve për t’u paraqitur në fletëvotim si kandidat i palës së tretë. West përfundimisht u rendit i 4-ti (i 5-ti në Kolorado, Minesota dhe Vermont) në numërimin e votave në shtetet e tij dhe mori numrin e 7-të më të lartë të votave kombëtare për një kandidat presidencial.