Një situatë e krijuar ditën e djeshme ka futur në debate Luizin dhe Kiarën.
Çfarë ndodhi? Banorët u bënë pjesë e lojës së rezistencës, gjatë të cilës duhet të rrinin pa lëvizur nga vendi duke mbajtur një buton të shtypur në mënyrë që mos të fikej drita.
Luizi bëri një lojë duke u shtirur sikur po urinonte në kovë. Kjo duket se i dha shkas edhe Maestros të bënte të njëjtin veprim si ai, pa e ditur se në fakt Luizi po luante.
Çfarë e shqetëson Kiarën? Ajo thotë se Luizi nuk duhet ta bënte një veprim të tillë. Pikë së pari, sepse kjo i prish imazhin dhe është veprim i pahijshëm. Dhe së dyti, thotë se nuk duhet t’ia bënte Maestros këtë gjë sepse ai mori shkasë nga Luizi.
Pasi e diskutuan disa herë këtë gjë, Luizi i tha sot se po ndërhyn në lojën e tij dhe se po e tërheq. Ai tha se nuk po e përfshin Kiarën në lojë dhe se ajo ia nxjerr skemat para të gjithë banorëve.
Kiara: Deri më tani kam bërë disa hapa që nuk do i bëja. Kam bërë realisht shumë.
Luizi: Edhe unë kam bërë jashtëzakonisht shumë. Të gjithë kemi parime dhe barriera, unë i kam thyer të gjitha që të jem me ty.
Kiara: Unë nuk i thyej dot, të rri shtrirë e të bëj skena. Mos e zgjat më se po e tepron. Bën ca muhabete kot. Nuk ia dal dot të vazhdoj këtë bisedë, bravo. Është një ditë shumë e keqe, vjen aty, nuk më thua as “mirmëngjes”. Ik se më acarove, u mërzita
Luizi: Të thashë vetë ditën që bëmë ceremoninë, “ma jep dorën dhe dalim tani.” Ti më the “jo, jemi mirë, shkoji deri në fund.” Tani ti po më tërheq, po më thua “mos luaj më.”
Kiara: E ke marrë parasysh që mund të më ulësh mua me lojën tënde? Mua më vjen zor, ndoshta unë e kam sedrën më të theksuar.
