Një ‘aksion’ i papritur i papritur i policisë ka ndodhur sot në banesën e këngëtares së famshme Britney Spears.
Shkak është bërë një video që këngëtarja ka publikuar pak ditë më parë, ku shfaqej duke kërcyer me thika në duar.
Mediat e huaja shkruajnë se pas kësaj videoje, autoritetet kanë kryer një kontroll për mirëqenien e 41-vjeçares. Ylli i pop-it Britney Spears ka kohë që i është larguar muzikës, dhe duket se e vetmja gjë që i bën kuriozë fansat e saj tani janë postimet e çuditshme që bën në Instagram.
Në një video të fundit ajo shfaqet duke kërcyer nën ritmin e një kënge, teksa në të dyja duart mban dy thika.
Lëvizjet e saj janë dukshëm të guximshme, pasi nga momenti në moment duket sikur do të lëndojë veten me mjetet e forta. Megjithatë këngëtarja ka qetësuar fansat dhe tregon se thikat nuk janë ‘reale’ dhe se thjesht është në atmosferën e ‘Halloween’.
