Chris Pratt dhe Katherine Schwarzenegger kanë mirëpritur fëmijën e tyre të dytë së bashku.
Aktori 42-vjeçar ka ndarë në Instagram një një postim me emrin dhe datëlindjen e vajzës së tyre, e cila lindi të shtunën. Aty shkruhej: “Eloise Christina Schwarzenegger Pratt, 21 maj 2022”.
Katherine gjithashtu i ka dhënë lajmin ndjekësve të saj: “Jemi shumë të emocionuar që njoftojmë lindjen e vajzës sonë të dytë. Ndihemi të bekuar dhe mirënjohës” Chris dhe Katherine janë gjithashtu prindër të Lyla Maria, 21 muajshe, dhe Pratt ka dhe një fëmijë tjetër, djalin nëntë vjeçar, Jack, me ish-gruan Anna Faris.
Për herë të parë u raportua nga revista People në dhjetor 2021 se Katherine ishte shtatzënë me fëmijën e saj të dytë. Gëzimi i tyre vjen menjëherë pasi Pratt nderoi gruan e tij me një urim të ëmbël në rrjetet sociale për ditëlindjen e saj.
Pratt diskutoi përpjekjet e planifikimit familjar në fillim të këtij viti dhe tha se ai do të donte të kishte më shumë fëmijë dhe ishte i gatshëm të kishte sa më shumë. Ai shtoi: ‘Ndoshta do të më duhet të flas me Katerinën për këtë, por plani im është, le të shkojmë”.
Katherine është vajza më e madhe e ish-guvernatorit të Kalifornisë, Arnold Schwarzenegger dhe Maria Shriver, e cila është mbesa e Presidentit John F. Kennedy.
