Brigitte Macron është fotografuar duke darkuar me reperin amerikan A$AP Rocky. Zonja e parë e Francës, 70 vjeçe, u fotografua e ulur me artistin së bashku me një grup të tjerësh në “Anna”, një restorant grek në qendër të Parisit, shkruajnë mediat e huaja.
Partnerët e tyre përkatës, Emmanuel Macron, presidenti francez dhe këngëtarja Rihanna, nuk ishin të pranishëm. Ky takim vjen disa javë pasi reperi 35-vjeçar A$AP Rocky, emri i vërtetë Rakim Athelaston Mayers dhe Rihanna u ftuan nga Macrons në Pallatin Elysee gjatë Javës së Modës në Paris.
Disa ditë pasi të katër u takuan në Pallatin Elysee, reperi performoi në një gala bamirësie të mbajtur në Accor Arena në Paris. Veprimtaria mblodhi fonde për bamirësinë e zonjës Macron Yellow Pieces, e cila mbështet fëmijët dhe adoleshentët në spital.
Kontakti i parë mes çifteve daton në vitin 2017 kur Rihanna takoi zonjën Macron për të diskutuar mbi kontributin që Franca po jepte për financimin e arsimit në rajonet e varfra.
Takime të mëtejshme pasuan duke përfshirë në Dakar vitin e ardhshëm, kur ata diskutuan përsëri mbështetjen financiare për të promovuar arsimin në vendet në zhvillim.
Rihanna është gjithashtu themeluese e fondacionit të bamirësisë Clara Lionel. I emëruar sipas gjyshërve të këngëtares, ai financon programe shëndetësore në vendet e varfra anembanë botës. Këngëtarja ka lidhje të forta me Parisin. Ajo zgjodhi kryeqytetin francez për të lançuar linjën e saj të kozmetikës luksoze, Fenty, në vitin 2019.
