Ndonëse ka kaluar gati një muaj nga dasma madhështore e trashëgimtares së “Top Channel”, Sara Hoxha dhe moderatorit Ledion Liço, ajo vazhdon të jetë po njësoj në qendër të vëmendjes.
Ndërkohë që u treguan tepër të fshehtë përsa iu përket publikimit të pamjeve nga dasma e tyre përrallore, ditët e fundit duket se janë treguar pak më të hapur me publikun. Pas fotove që Sara publikoi nga momenti i betimit në altar, motra e nuses, fashionistja e njohur Lori Hoxha ka ndarë gjithashtu momentet më pikante të dasmës së vitit.
Në një film prej 30 minutash që Lori ka publikuar ditën e djeshme në YouTube në bie në sy edhe reagimi i nënës së nuses, Vjollca Hoxhës.
Presidentja e “Top Media”, si çdo nënë është përlotur teksa ka përqafuar vajzën e saj, e cila vetëm pak minuta më pas do të niste një kapitull të ri në jetën e saj.
Emocione të gjalla dhe lot gëzimi, të cilat nuk kanë nevojë për komente.
