Pas videove me deklaratat e tij të njëpasnjëshmë se ka fshirë këngët e tij dhe më pas i kishte rikthyer, Flori Mumajesi arriti përsëri t’i surprizojë të gjithë ditën e djeshme.
Atëherë kur më pak e prisnim, Flori publikoi këngën e tij më të re të titulluar “Mbaroj për ty”, duke shënuar kështu rikthimin e tij në muzikë pas një pause rreth 2-vjeçare.
Kurioziteti se si do të pritej kënga ishte i madh, kështu që në një vështrim në komentet poshtë këngës në Instagram-in e tij dhe në platformën YouTube, mund të kuptohet se ndjekësit e fansat e tij janë të lumtur për rikthimin e këngëtarit.
Komentet ishin nga më të ndryshmet, ku pjesën më të madhe e mbizotërojnë komente pozitive për këngëtarin dhe rikthimin e tij në muzikë.
Megjithatë, fansat e tij nuk i kanë harruar deklaratat që ai bëri vetëm pak ditë më parë, ku shprehes se muzika e tij nuk po vlerësohet apo edhe se muzika e tij “ka vdekur.”
Mbështetësit e tij janë siguruar t’ja rikujtojnë Florit se ende e mbështesin atë dhe artin e tij, duke i lidhur komentet e tyre për këngën e re me deklaratat që ai bëri.
DISA NGA KOMENTET:
“Ti je artisti me shpirtin më të bukur. S’mund të na lësh ne bosh, pa ty si Njeri, që më muzikën tënde kemi jetuar pak çaste. S’mund të na heqësh kënaqesinë e kujtimeve, e për më tepër na mungojnë. E ja ku erdhe sërish”
“Kushedi sa xhelozi i kap këngtarët e tjerë për kaq shumë dashuri sa te japin njerëzit ty”
“Kurrë mos dysho tek mbeshtetja jone për ty ! Love you”
“Muzika jote është e pavdekshme. Artist i pazëvenëdsushëm”
“Mos humb më!! E meriton vëmendjen 👏👏👏👏👏 dashurinë e publikut”
“Flori faleminderit që u ktheve 🥰 ke plot njerez që të duan dhe mezi i presin kënget e tua”
Sigurisht nuk mungoi as kurioziteti i ndjekësve të tij rreth këngëve të ndjera dhe deklaratës së fundit të tij.
“Po për ke e ke o burrë i dheut, thuaje se na plase, të flemë të qetë njëherë e mirë… ta marrë dreqi ta marrë këtë punë”- shkruan një fans i Florit.
Ndjekës të tjerë më skeptikë, duket se ende “nuk ia kanë falur” Florit deklaratat e tij të çuditshme, duke i cilësuar deri në “lojëra për vëmendje.”
“Ah ca je ti! E more vëmendjen prapë😂 suksese ! Edhe pa këto lojërat që bëre së fundmi ke vëmendjen tonë!”- shkruan një ndjekës.
Gjithashtu edhe dikush tjetër i rikujton Florit se “nuk ka nevojë për vëmendje sociale” ndërsa shkruan:
“Ti s’ke nevojë për vëmendje sociale, ti je një perlë që dëgjohesh me të njejtat emocione dhe ndjenja edhe kur kalojne vite”
