Ka disa ditë që në mediat rozë po flitet fakti që Khloe Kardashian ka falur Tristan Thompson pasi e tradhtoi vetëm pak ditë para lindjes së fëmijës së tyre.
“Khloe ia ka falur tradhtinë Tristan-it dhe nuk ishte aspak e vështirë për të, sepse ai shpërtheu në lot në dhomën e spitalit pasi ajo kishte lindur True” – tha një burim për Weekly.
“Tristani u shkatërrua krejtësisht pasi kuptoi që kishte lënduar dhe tradhtuar Khloe-n “- ka shtuar më tej burimi.
Sipas burimit të informacionit Weekly shkruan: “Khloe thotë gjithmonë se gjithçka ndodh për një arsye, por absolutisht e do Tristan-in.” Burimi ka shtuar gjithashtu se basketbollisti i NBA i ka thënë Khloe-s se në nënvetëdijen e tij, kishte dëshirë të kapej pasi e dinte se paparacët po e fotografonin.
Gjithashtu thuhet se ai e ka justifikuar sjelljen e tij duke thënë se ndjeu presion që të mos refuzojë femrat sepse është rregulli i pashprehur në NBA .
