Këngëtari i njohur, Ardit Çuni ka dhënë një intervistë së fundmi për “Top Albania Radio”, ku ka treguar se si ka qenë viti 2022 për të.
“2022 ka qenë një nga vitet më të bukura të karrierës sime, me plot angazhime. Kam qenë gjithmonë pranë shqiptarëve, pranë ekranit. Mendoj se 2022 më ka mundësuar të jem afër shqiptarëve”, ka thënë ndër të tjera këngëtari.
Por a do e shohim në ekran Arditin?
“Do e merrni vesh ku do më shihni së shpejti, në janar”, tha ai.
Por a e pret fitoren Arditi nga DWTS?!
“Kam shkuar aty për ta shijuar dhe për të pretenduar duke ditur aftësitë e mia në kërcim. E kam marrë atë që duhej të merrja, por edhe nëse nuk fitoj çmimin e parë kam marrë dashurinë dhe mbështetjen e të gjithë publikut. Jam i lumtur që kam qenë pjesë e këtij produksioni”, u përgjigj këngëtari i njohur.
‘Big Brother Vip Albania’ apo ‘Dancing With The Stars’?!
“Do të zgjidhja BBV sepse është më i thjeshtë fizikisht. Në rulotë do të rrija me Olta Gixharin. Urimi im është të kemi sa më shumë dashuri, të vlerësojmë atë që kemi, na mungon të shprehim respekt, të jemi mirënjohës për atë që kemi… Ju plotësofshin të gjitha dëshirat që keni dhe vetëm lumturi në familjet tuaja!”, u shpreh Arditi.
