“Duhet që të udhëtosh më shumë sepse në fund nuk do të kujtosh kohën e kaluar duke punuar në zyrë. Ngjite atë malin”- Jack Kerouac.
Një shprehje që mund të bëhet frymëzim për secilin prej jush. Çdo njeri ka arsyet e tij pse udhëton, por të gjithë duhet të zgjerojmë horizontet tona.
Ndaj rezervojeni atë udhëtim dhe shikoni më shumë nga bota.
1.Të arratisesh nga realiteti – Pa marrë parasysh sa e duam karrierën, shtëpinë dhe jetën tonë të përditshme, ka diçka magjike te arratisja nga realiteti për pak kohë. Parashikimi që të gjithë ndjejmë gjatë udhëtimeve tona, duke ditur që zyra është larg, çantat tona janë të mbushura dhe ne mund të lëmë pas vetes jetën e vërtetë për vetëm pak kohë. Është e ngjashme me përmbushjen e një ëndrre të shumëpritur, pavarësisht se jeni të shoqëruar ose vetëm.
2.Krijimi i kujtimeve – Shikoni prapa gjatë dy viteve të fundit dhe nëse dikush ju pyet se çfarë gjëra të mahnitshme keni bërë, unë mendoj se nuk do t’u tregoni atyre për ditën tuaj të punës. Ju do t’u tregoni për atë ishullin e bukur që keni vizituar me gjysmën tuaj tjetër ose atë malin që keni ngjitur me miqtë tuaj.
3.Të frymëzosh të tjerët – Kjo është një gjë e madhe. Nuk ka asgjë më të madhe se të vizitosh një pjesë të botës që adhuroje aq shumë, që dëshiron t’ua tregosh miqve dhe familjes suaj, për çdo ditë që kalove atje dhe do t’u rekomandoje ta vizitonin. Të jesh në gjendje të frymëzosh një person tjetër për të udhëtuar do t’ju bëjë të lumtur.
4.Të përmirësosh përmbajtjen – Shumë prej nesh jemi kreativë dhe ofrojmë diçka të vogël shtesë për këdo që na ndjek në mediat sociale, por e bëjmë edhe për veten. Kemi gjithmonë ato imazhet që do të na ushqejnë përgjithmonë shpirtin dhe për të cilat do të jemi krenarë.
5.Zgjerimi i mendjeve tona – Ka shumë për të parë dhe për të përjetuar atje jashtë. Një gjë për të cilën jemi të sigurt është se pa marrë parasysh se ku udhëtoni dhe me kë udhëtojmë, ne vazhdimisht mësojmë për çdo gjë në planetin tonë. Nuk mund të shkoni aq larg sa të niseni në një udhëtim shpirtëror me qëllim “për të gjetur veten”, por pa marrë parasysh destinacionin e udhëtimit tonë ne gjithmonë do të marrim diçka në shtëpi me vete.
6.Të afrohesh me të tjerët – Shpesh ne udhëtojmë për të festuar dhe për t’u ndjerë më afër me të tjerët në jetën tonë. Ne takojmë njerëz në udhëtimet tona, të cilët kurrë nuk do të kishin kaluar nëpër shtigjet tona dhe që ne vazhdojmë të t’i vlerësojmë shumë kohë pasi udhëtimi ynë ka përfunduar. Ne gjithashtu zgjedhim të udhëtojmë me të dashurit e zemrës, me miqtë dhe me familjen, gjë që na afron më shumë.
7.Për të përmbushur veten – Ndonjëherë duhet të ndalemi dhe të karikohemi para se të raskapitemi dhe udhëtimi mund të jetë mënyra e përsosur për të arritur këtë. Udhëtimi mund të jetë tërësisht terapeutik për të pushuar, për të mbushur bateritë dhe për të mos prekur e-mail-et tuaja. Gjetja e një destinacioni ku mund të relaksoheni, të merrni frymë thellë dhe të zgjidhni të bëni çdo gjë që dëshironi është antidot i përsosur për jetën tonë stresuese.
8.Arritja e ëndrrave – Udhëtimi mund të ofrojë një mënyrë për të jetuar ëndrrat tona. Ne të gjithë kemi pushimet ideale për të përjetuar, aventurat që po vdesim për të jetuar dhe mrekullitë e botës që ne ëndërrojmë t’i shohim me dy sytë tanë. Ne mund të arrijmë çdo gjë që kemi në mendje.
9.Zbulimi i shtëpive – Vende të ndryshme të botës mund t’i quani “shtëpi”. Ne lëmë një pjesë të zemrës kudo që udhëtojmë dhe në disa raste biem kokë e këmbë për disa qytete dhe destinacione. Ndjenja e gjetjes së atij vendi, diku në këtë botë të madhe, që për ju mund të shkatojë ndjesinë e shtëpisë është përsosmëri.
Burimi: In the Frow
