Kërkimet e reja zbuluan se të flesh nuk është një luks për të cilin duhet të ndihesh fajtor. Përkundrazi, mund të nënkuptojë se jeni më inteligjent, kreativ dhe i gëzuar.
Studimi “Why Night Owls Are More Intelligent” doli në përfundimin se të kesh nën kontroll kohën kur vendos për të fjetur dhe kur zgjohesh mund të jetë një shenjë inteligjence.
Butoni “snooze” (që të shtysh kohën e alarmit) është një shpikje relativisht e re dhe është diçka për të cilin evolucioni nuk na ka përgatitur. Të jesh në gjendje të shtypësh butonin “snooze” dhe të përshtatesh me këtë mënyrë të re të jetese dhe gjumi, mund të thotë që je më intelektual, sipas autorëve Satoshi Kanazawa dhe Kaja Perina.
Të injorosh rregullin e ngritjes sapo bie alarmi, por duke bërë atë për të cilën ka nevojë trupi juaj, do të thotë që ju keni më shumë gjasa të ndiqni ambiciet tuaja dhe t’i zgjidhni vetë problemet tuaja. Kanazawa dhe Perina argumentojnë se kjo ju bën më kreativ dhe të pavarur.
Raporti shkencor mbështetet nga një studim i ngjashëm i ndërmarrë nga “Universiteti i Southampton”, i cili shqyrtoi situatat socio-ekonomike të 1,229 njerëzve në lidhje me modelet e tyre të gjumit. Ai tregoi se ata njerëz që shkuan në shtrat pas orës 23:00 dhe u ngritën pas orës 8:00 kanë fituar më shumë para dhe kanë një mënyrë jetese më të lumtur.
Përkundër faktit që jeni krijues, inteligjent dhe se mendja mund të lulëzojë gjatë atyre dremitjeve në mëngjes, nuk është e këshillueshme të flini shumë gjumë. Sipas “Fondacionit Kombëtar të Gjumit”, të rriturit kanë nevojë për 7 deri në 9 orë gjumë në një natë për të ruajtur një mënyrë jetese të shëndetshme.
Por mund të ndjehesh i lehtësuar se nuk do të gjykoheni si dembel ose i padisiplinuar, kur flini gjatë fundjavave.
Burimi: Good Housekeeping
