Dikur shoqe të ngushta, sot kunata. Por marrëdhënia mes Tunës dhe Norës nuk është edhe aq e mirë sa mendoni.
Ato u shfaqën sërish në një foto, pas shumë viteve, në festën e Valdrin Sahitit në Tiranë. Ishte koha kur Tuna kishte nisur lidhjen me Patrisin, vëllain e Robert Berishës dhe Nora, këtë herë, duhet ta respektonte kunatën, si nusja e madhe.
Por pas asaj dite, as Nora e as Tuna nuk u panë më bashkë, as të dyja e as të katërt me dy vëllezërit. Ndonëse secili më vete janë të tërhequr për të treguar në rrjetet sociale pjesë nga jeta private, megjithatë diçka mes kunatave ka ndodhur dhe për këtë ka një shenjë që e tregon.
Tuna dhe Nora Istrefi nuk e ndjekin më njëra-tjetrën në “Instagram”. Nuk dihet cila është arsyeja që asnjëra nuk ka interes se ç’bën tjetra, por me siguri, thyerja e viteve dhe distanca që kanë mbajtur për një kohë të gjatë, vështirë të kalojë. Qoftë edhe nga krushqia…
