Për herë të parë pas grabitjes në Paris, Kim Kardashian ka rrëfyer tmerrin që ka kaluar kur u përball me grabitësit e maskuar dhe të armatosur.
Bukuroshja serialit televiziv “Keeping up with the Kardashians”, ka pësuar një tronditje kur në muajin tetor të vitit të kaluar u ballafaqua me një plaçkitje në një apartament me qira në Paris.
Për këtë bukuroshja flet në detaje në episodet e reja të serialit real televiziv, transmetimi i të cilave fillon në mars.
Megjithatë, në një video të shkurtër paralajmëruese rreth 30 sekonda të publikuar në E! Online, Kim flet tejet e shqetësuar për plaçkitjen në Paris, duke u shprehur se ajo u frikësua se do ta vrisnin.
Me lot në sy, ajo flet edhe për situatën e bashkëshortit Kanye, teksa shihet duke folur në telefon me të dhe duke thënë: “Të lutem mos më frikëso”.
