Këngëtarja e njohur Anjeza Branka po përjeton një nga periudhat më të dhimbshme të jetës së saj. Ajo ka njoftuar ndarjen nga jeta të nënës së saj përmes një postimi tejet prekës në rrjetet sociale, duke prekur zemrat e ndjekësve dhe kolegëve të saj.
Në llogarinë e saj në Instagram, Anjeza ka publikuar një fotografi të nënës së saj në rini, shoqëruar me një dedikim të mbushur me dhimbje, dashuri dhe mall.
Anjeza rrëfen se pas ndarjes nga jeta të të dy prindërve, frika e saj më e madhe tashmë është bërë realitet. Fjalët e saj pasqyrojnë jo vetëm dhimbjen e humbjes, por edhe lidhjen e fortë shpirtërore që kishte me nënën.
“Nuk di nga t’ia nis të shkruaj për ty. Lamtumirë Ana ime e bukur. Tani nuk kam frikë më asgjë në këtë botë. Frika ime ishte të humbja babin edhe ty, shpirti im i bukur, fryma, aroma ime, mami më e mira në botë. Ju mori Zoti. Lamtumirë,” ka shkruar ajo, duke përlotur ndjekësit e saj.
Mesazhi i këngëtares është shoqëruar me reagime të shumta ngushëllimi nga miq, artistë dhe fansa, të cilët i kanë shprehur mbështetjen e tyre në këtë moment të vështirë. Shumë prej tyre kanë vlerësuar guximin e Anjezës për të ndarë një dhimbje kaq personale me publikun.
View this post on Instagram
