Ish-kapiteni legjendar i Kombëtares Lorik Cana prezantoi çmimin “Zemra Kuqezi” në ceremoninë që u zhvillua për “Topin e Artë”. Mario Mitaj është përzgjedhur si fituesi i këtij çmimi.
Por para se të jepte çmimin për fituesin, Cana e nisi fjalën me një kompliment për dy moderatorët e kësaj ceremonie: Ardit Gjebrenë dhe Jonida Shehun.
“Mirëmbrëma të Gjithëve, Ardit dukesh si gjithmonë shumë elegrant por Jonida ta kalon.”, tha Cana.
Shehu më pas e pyet Canën: “Nëse do të ekzistonte ky çmim “Zemra kuqezi?” që japim sot për herë të parë, sa vite rresht mendon se do ta fitoje?”
Cana u përgjigj me modesti, duke përmendur lojtarë të kohës kur ai luante futboll që mendon se do ta meritonin këtë çmim të veçantë, por gjithashtu edhe lojtarë të tanishëm si Elseid Hysaj dhe Berat Gjimshiti.
“Është vërtet një çmim i veçantë, se përmbledh aty jo vetëm cilësinë e lojtarit apo mentalitetin e tij, por është diçka shumë më gjithpërfshirëse, përmbledh aty gjithë virtytet e një sportitdashësi, një të apasionuari pas sportit derisa të mbërrish një sportist profesionist, apo të kesh fatin të përfaqësosh gjithë kombin tënd. Dhe aty e kupton çfarë fati ke të kesh një mundësi aq të madhe, që shndërrohet në krenarinë e jetës tënde si njeri dhe si sportist dhe ai që e shfaq më së miri në fushë duke mos u dorëzuar.
Kam patur mundësinë të frymëzohem nga shumë këtu të pranishëm dhe është një mbrëmje që na jep mundësinë të jemi pjesë përsëri e familjes së sportit, por të rishohim disa lojtarë që kemi patur. Në kohën time kam patur lojtarë në këtë shpirtin e zemrës si Besnik Hasi, Altin Lala dhe lojtarë të cilët ishin të fundit për t’u dorëzuar dhe jam munduar ta mbaj këtë stafetë edhe ta çoj në nivelin sa më të lartë me të njëjtat vlera dhe lojtarët që po e bëjnë tani, po e pëqrfaqësojnë në mënyrën më të mirë,
Sot, përmend jo vetëm Elseidin që është aty, por edhe një kapiten të mrekullueshëm që kemi sot nga Lugina e Preshevës Berat Gjimshitin.”, tha Cana.
