Ajo është modelja më e përfolur e momentit. Jo sepse nuk ka qenë e tillë, por viti 2016 ka ardhur me surpriza për të pasi pritet të bëhet mami.
Modelja 30-vjeçare është duke pritur fëmijën e saj të parë me aktorin Bradley Cooper. Lajmi për shtatzëninë u bë i ditur në fund të nëntorit, kur Irina sfiloi për Victoria’s Secret.
Së fundmi ajo është zhvendosur në Los Angeles, duke qenë se vendi ka klimë të butë. Modelja u fotografua të mërkurën teksa kishte dalë për t’u kujdesur për vete në një qendër estetike. E veshur me një fustan të shkurtër dhe çizme me pak takë, Irina gjeti trajtimin special që çdo femër shtatzënë do të dëshironte.
Më pas, sikur të mos ishte modelja e Victoria’s Secret, mori çizmet në një qese plastike dhe doli me një palë shapka me gisht të rehatshme nga salloni i bukurisë.
