Mila Kunis solli në jetë fëmijën e dytë me aktorin Ashton Kutcher, djalin e tyre Dimitri, rreth një javë më parë.
Një burim i afërt me aktorët tregon për “Ace Showbiz”, se Demi Moore po përpiqet me çdo kusht që të ndërhyjë në jetën bashkëshortore të ish-it të saj duke u dërguar dhurata për fëmijët apo duke i dhënë këshilla Mila-s se si të rrisë dy fëmijët.
Ajo po përpiqet të tregohet miqësore, por në të njëjtën kohë është një situatë e çuditshme dhe e sikletshme për çiftin pasi gjatë gjithë kohës është e pranishme në jetën e tyre.
Ishte Mila ajo e cila theu heshtjen duke thënë se nuk ka nevojë për asnjë dhuratë apo këshillë. Ajo është shumë e aftë që t’ia dalë vetë. Ajo çfarë Kunis kërkon nga aktorja 54-vjeçare është që thjeshtë ta lërë të qetë dhe të mos ndërhyjë më në jetën dhe në familjen e saj.
Ashton Kutcher, i cili është ndarë nga Demi Moore rreth 5 vite më parë, ka qëndruar i heshtur nga kjo situatë.
