Pasditen e së shtunës dhe orët e para të mëngjesit të së dielës në Shqipëri, ish-presidenti Donald Trump i shpëtoi paq një atentati, prej të cilit mori vetëm disa lëndime të vogla.
Sakaq, mediat amerikane kanë publikuar për herë të parë një fotografi të celularit të atentatorit të mundshëm të Trump, mirëpo pranë celularit vërehet diçka misterioze që ka ngritur pikëpyetje kudo.
Pajisja duket sikur është një transmetues dhe kjo ka ngritur pikëpyetje nëse vrasësi po komunikonte me dikë. Sipas Daily Mail, kjo pajisje ngre po ashtu pikëpyetje nëse ishte planifikuar kaos i mëtejshëm atë ditë.
Agjentët e policisë kishin pikasur atentatorin një orë përpara ngjarjes, ndërsa bënte lëvizje të dyshimta. Ndërkohë ai kishte arritur të penetronte në një zonë të sigurisë tre orë përpara se të kryente sulmin.
Të gjitha këto ngrenë pikëpyetje mbi punën e Shërbimit Sekret amerikan.
