Multitasking është mënyra se si jetojnë shumë prej nesh. Sa shpesh shkruani mesazhe ndërsa keni ngecur në trafik apo humbni fokusin në një podcast gjatë kryerjes së detyrave?
“Ne ngecim në grackën e kryerjes së shumë detyrave, edhe pa e kuptuar atë” tha për New York Times, Nicole Byers, një neuropsikologe e specializuar në trajtimin e njerëzve që vuajnë nga harresa. Megjithatë, që kjo nuk është diçka pozitive për trupin tonë dihet dhe mbetet realitet. Por, ka mënyra që mund të na ndihmojnë të kemi një qasje më të zgjuar.
Truri ynë dhe multitasking
Për të filluar, vetë termi është keqkuptuar. Është e pamundur të bësh dy gjëra në të njëjtën kohë duke u përqendruar njësoj mirë në të dyja, përveç nëse jemi të relaksuar, si për shembull, kur ecim dhe bisedojmë me një mik. Jeta juaj ndoshta do të përfshijë një nivel të rotacionit të punës, të cilin nuk do të mund ta shmangni. Ka mënyra për ta bërë atë më efikas.
Përqendrohuni në pikat tuaja të forta
Disa aktivitete taksojnë mendjen tonë dhe kërkojnë shumë përqendrim më shumë se të tjerët. Pra, nëse një detyrë është stresuese ose kërkon shumë përpjekje mendore kur e bëni vetëm, ndoshta do të ishte më mirë të përqendroheni vetëm në të.
Peshoni rreziqet
Disa aktivitete mund të duken shumë të thjeshta ose ne mendojmë se mund t’i bëjmë pa gabime, por megjithatë ato mbartin rreziqe të mëdha. Edhe kur mendoni se mund ta përfundoni një akt pa i kushtuar shumë vëmendje, nuk mund të shmangni faktorin e papritur. Edhe shoferët më me përvojë nuk e dinë se çfarë të presin në rrugë ose të parashikojnë kur do të ndodhë diçka e papritur.
Gjeni pikat e kthesës
Në vend të ndërrimit të detyrave për gjënë më të vogël, Dr. Mark sugjeroi kalimin në ato që ajo i quajti “pikat e pushimit”, domethënë kur është e lehtë të rifillosh një detyrë pa pasur nevojë të bësh shumë punë. Për shembull, ndërsa lexoni këtë artikull, mund të përpiqeni të arrini deri në fund përpara se të kontrolloni njoftimet tuaja. Nëse kjo nuk është e mundur, të paktën mund të synoni fundin e këtij paragrafi.
Përdorni multitasking kur është vërtet efektiv
Përzierja e zakoneve që ju pëlqen me ato që nuk i pëlqeni aq shumë, mund t’i japë trurit tuaj më shumë përforcim pozitiv sesa të bëni vetëm një gjë në një kohë. Nëse, për shembull, keni më shumë gjasa të lani enët me televizorin ndezur, ndoshta ia vlen të sakrifikoni pak vëmendje.
