“New Balance” po përballet me një tjetër prodhues të këpucëve për kopjimin e dizajnit të brendit të tyre.
Sipas ankesës që paraqiti në një gjykatë federale në Masaçusets, “New Balance” pretendon se “kopjuesi serial” “Golden Goose” është në kërkim të dëmtimit të imazhit të markës së tyre në syrin e blerësve.
Sipas tyre ato po përpiqen “të nxisin një lidhje të perceptuar midis produkteve të tyre dhe Neë Balance në mendjet e konsumatorëve” kur nuk ekziston një lidhje e tillë.
New Balance me bazë në Boston pohon se Golden Goose ka shkuar më tej për të krijuar konfuzion tek konsumatori duke “imituar ngjyrat kryesore” dhe duke adoptuar një emër të ngjashëm “Dad-Star” – për të cilin New Balance thotë se është një lojë e drejtpërdrejtë markën e tyre.
New Balance pohon se për herë të parë prezantoi atletet e saj 990 në 1982 dhe atletet kanë evoluar në gjashtë versione, secila prej të cilave vazhdon të shitet edhe sot.
Në vazhdim të shitjes së atleteve të saj kryesore 990, New Balance pretendon se ka gjeneruar “qindra milionë dollarë të ardhura”, ka shitur më shumë se një milion palë nga çdo 990 v1 deri në 990 v5 dhe ka shpenzuar “shumë miliona dollarë” për të promovuar koleksionin e atleteve.
