Aktori amerikan Grizz Chapman, i njohur për rolin e tij në serialin humoristik 30 Rock, ka ndërruar jetë në moshën 52-vjeçare.
Lajmi për vdekjen e aktorit u konfirmua nga kolegu dhe miku i tij Kevin Brown, i cili luante personazhin “Dot Com” në serialin e famshëm. Përmes një postimi emocional në rrjetet sociale, Brown bëri të ditur ndarjen nga jeta të Chapman, duke shkruar: “Me keqardhje ju njoftoj se Mack Chapman, i njohur si Grizz Chapman, u nda nga jeta sot. U prehtë në paqe.”
Sipas raportimeve të mediave amerikane, aktori kishte vite që përballej me probleme shëndetësore dhe ishte në dializë. Kushëriri i tij, Donte Harrison, deklaroi se Chapman ndërroi jetë në gjumë pas një beteje të gjatë me sëmundjen.
Grizz Chapman u bë i njohur për publikun falë rolit të truprojës së personazhit Tracy Jordan, të interpretuar nga Tracy Morgan në “30 Rock”. Personazhi i tij u kthye në një nga figurat më të dashura të serialit, falë humorit dhe skenave ikonike që ndante me aktorët e tjerë.
Pas suksesit në “30 Rock”, Chapman u shfaq edhe në seriale të njohura si Blue Bloods, The Blacklist dhe The Good Fight.
Aktori la pas bashkëshorten dhe dy fëmijët e tij, ndërsa fansat dhe kolegët po e kujtojnë si një njeri me energji pozitive dhe zemër të madhe.
