Ish-producenti i Eminem, Joseph Strange, është akuzuar për vjedhje dhe shitje të muzikës së papublikuar të reperit. Strange, i cili punoi me Eminem nga viti 2007 deri në 2021, dyshohet se ka shitur mbi 25 këngë që u publikuan ilegalisht në janar të këtij viti.
Sipas FBI-së, Strange ua shiti materialet disa individëve, përfshirë një person me nofkën “Doja Rat”, i cili pretendon se pagoi 50,000 dollarë për këngët. Hetimet zbuluan se Strange mund të ketë pasur akses në mbi 300 këngë të tjera.
Eminem dhe ekipi i tij kanë falënderuar FBI-në për hetimin dhe theksuan se do të ndërmarrin të gjitha hapat e nevojshëm për të mbrojtur krijimtarinë e reperit. Strange përballet me deri në 15 vite burg dhe një gjobë deri në 250,000 dollarë nëse shpallet fajtor për shkelje të të drejtave të autorit dhe transport të mallrave të vjedhura.”
