New York-u është veshur ditën e sotme me ngjyrat e flamurit shqiptar. Qindra shqiptarë që jetojnë atje, janë mbledhur për të 15 vit radhazi për të festuar 145-vjetorin e Lidhjes Shqiptare të Prizrenit.
Rrugët e New York-ut janë pushtuar nga motivet tradicionale shqiptare, si veshjet popullore e deri tek vallet me këngët tradicionale shqiptare. Nuk munguan as thirrjet për Ushtrinë Çlirimtare të Kosovës.
10 qershori është një datë me shumë peshë në historinë e kombit shqiptar. Në vitin 1878 të kësaj date u mbajt Kuvendi i Prizrenit, i cili shpalli formimin e Lidhjes së Prizrenit. Punimet e këtij kuvendi u drejtuan nga Iljaz Pashë Dibra, ndërsa programi politik ishte hartuar nga ideologët e kombit shqiptar si Sami Frashëri, Pashko Vasa, Abdyl Frashëri, Jani Vreto, Zija Prishtina e të tjerë. Lidhja e Prizrenit përbën organizatën e parë politike dhe ushtarake të mbarë kombit shqiptar.
View this post on Instagram
