Ngjarja ka ndodhur në Bradashesh të Elbasanit, ku Alma Qevani është goditur me sëpatë dhe ka mbetur e vdekur nga burri i motrës së saj, 55-vjeçari Refik Tashi.
Sipas të dhënave paraprake nga banorët, mësohet se Alma i ishte drejtuar Refikut me fjalët “Je impotent”, gjë që kishte çuar në vendimin ekstrem të kunatit për t’i marrë jetën.
Refik Tashi është parë në rrugët e fshatit teksa vraponte me sëpatën dhe duart e gjakosura, derisa është vënë në pranga nga Policia.
Sëpata është sekuestruar në cilësinë e provës materiale. Grupi hetimor, në drejtimin e Prokurorisë, po punon për zbardhjen e rrethanave të ngjarjes.
