Një studim i bërë së fundmi tregon se burrat që bëjnë punë fizike, janë më pjellorë se ata që kanë një punë zyre. Shkencëtarët zbuluan se burrat që rregullisht ngrenë objekte të rënda në punë kanë numër më të lartë të spermatozoidëve, sesa punonjësit e tjerë.
Rreth katër në dhjetë raste të infertilitetit janë për shkak të numrit të spermatozoideve, cilësisë së spermës dhe dëshira seksuale, me dy të fundit që mendohet se janë nxitësit në rritje të problemit.
Ne tashmë e dimë se stërvitja është e lidhur me përfitime të shumta shëndetësore te njerëzit, duke përfshirë ato të vëzhguara në shëndetin riprodhues, por pak studime kanë parë se si faktorët profesionalë mund të kontribuojnë në këto përfitime.
Më tej, ka prova në rritje se infertiliteti mashkullor është i lidhur me sëmundje të zakonshme kronike si sëmundjet kardiovaskulare dhe sëmundjet autoimune, duke theksuar rëndësinë më të gjerë të shëndetit riprodhues mashkullor.
Janë mbledhur mostra dhe të dhëna nga anketa nga më shumë se 1500 burra dhe gra dhe studimi aktual u fokusua në disa nga pjesëmarrësit, duke përfshirë 377 partnerë meshkuj që kërkojnë trajtim në një qendër fertiliteti.
Studiuesit zbuluan se burrat që raportuan se shpesh ngrinin ose lëviznin objekte të rënda në punë kishin 46 për qind përqendrim më të lartë të spermës dhe 44 për qind numër më të lartë total të spermës krahasuar me ata që bënin më pak punë fizike.
