Marini është një nga reperët më të dalluar në industrinë tonë muzikore. Herë me hitet, herë me “diss-at” e fortë, ai gjithmonë është përfolur në media. Së fundmi është bërë publike intervista e tij për “Afterparty” ku reperi është vënë përballë disa pyetjeve ngacmuese.
“Më mirë në një marrëdhënie apo beqar?”-kjo ishte pyetja e parë bazuar në jetën e tij private, të cilës Marini zgjodhi t’i shmangej me lezet duke thënë thjesht “Po”.
Në vazhdën e këtyre pyetjeve, reperi gjithashtu u ngacmua duke iu drejtuar pyetja nëse flinte vetëm apo çift. Këtë herë Marini shumë i drejtpërdrejtë u shpreh se shtratin e tij nuk e ndan me askënd.
Në këtë intervistë nuk mungoi as një “thumb” i vogël i Marinit për kolegët, duke u shprehur krenar që deri tani nuk ka kërkuar kurrë të bëjë bashkëpunime dhe duke na lënë të kuptojmë që janë artistët e tjerë që i kërkojnë atij të bashkojnë forcat.
