Ajo është një nga blogeret më të njohura të bukurisë në Lindjen e Mesme, me 15 milionë ndjekës në “Instagram”, që janë të devotshëm për të marrë çdo këshillë nga ajo.
Ndaj nuk është surprizuese që blogerja 32-vjeçare është në koverin e revistës “Harper’s Bazaar” në Arabi. E njohur në profilin e saj në “Instagram” me emrin Huda Beauty, ajo jeton në Dubai, duke treguar disa nga të fshehtat që nuk dinim për të.
32-vjeçarja tregon se fillimisht e nisi këtë gjë si pasion dhe sa më shumë ndjekës i vinin aq më tepër rritej llogaria e saj bankare.
Tashmë ajo ka linjën e saj të produkteve të bukurisë, të cilat shiten pafundësisht. Ajo tregon për revistën se tashmë që ka arritur një pasuri marramendëse edhe bashkëshorti i saj ka lënë punën për të punuar për linjën e saj produkteve.
“Ishte e vështirë, sepse bashkëshorti është shtylla e familjes. Në fillim ishte diçka e vështirë”, pranoi ajo.
Nëna e një fëmijë tregoi për revistën se ajo ka bërë operacion në hundë, botoks dhe mbushje të rrudhave. Lidhur me komentet negative që i vijnë në profilin e saj, Huda thotë: “Nëse dua të dukem më e bukur, pse kategorizohem papritur si një grua e bërë?”.
Huda shprehet se ka për qëllim të bëhet si Oprah Winfrey e industrisë së kozmetikës.
“Premtoj që do të zotëroj botën e bukurisë. Mënyra e socializimit nuk do të jetë më asnjëherë njësoj, për shkak të Mark Zuckerberg, apo udhëtimi nuk do të jetë asnjëherë më njësoj për shkak të Uber, vizioni im është që bota e bukurisë nuk do të jetë më njësoj për shkak të “Huda Beauty”. Dua të bëhem Oprah e bukurisë… më e madhe”, shprehet ajo.
Ndërkohë, bota e bukurisë sa vjen dhe po përqafon bukurinë natyrale dhe jashtë ekzagjerimeve që do të gjeni në faqen e saj.
*Shfleto galerinë
Burimi: Daily Mail
