Leonard Duka, kreu i “Klanit Duka”, në mediat rozë është lakuar si ish-partneri i modeles Trejsi Sejdini, por për policinë njihet si kundërshtari i Ervis Martinajt dhe akuzohet për vrasjen e Santiago Malkos, ish-punonjës policie.
Duka ishte i shpallur ne kërkim ndërkombëtar nga ZQK Interpol Tirana, pasi Gjykata e Posaçme Kundër Korrupsionit dhe Krimit te Organizuar i ka caktuar masën e sigurisë “Arrest në burg”, për kryerjen e veprave penale “Vrasja me paramendim” dhe “Mbajtja pa leje dhe prodhimi i armëve shpërthyese dhe municionit luftarak”, të kryera në formën e grupit të strukturuar kriminal.
Policia bëri me dije se në kuadër të operacionit policor të koduar “Provinca“, kapën dhe arrestuan me qëllim ekstradimin, 37-vjeçarin, banues në Tiranë.
Ish-partneri i Trejsi Sejdinit dyshohet se është një nga autorët e vrasjes së ish-policit Santagio Malko, të ndodhur në gusht të viti 2019, në rrugën “Xhanfize Keko”, Tiranë.
Trejsi Sejdini është/ishte e dashura e Leonard Dukës. Lidhja e tyre u faktua nga vetë postimet e ish-missit në rrjetet sociale. “Princi Damian”, ishte një noflë që reflekton luksin dhe jetën që ka 37-vjeçari, por pjesë të luksit të tij ka bërë edhe të dashurën.
Sipas raportimeve, ai i ka dhuruar Trejsit një makinë tip “Mercedes Benz GLE V8 Biturbo” me çmim 150 mijë euro, automjet ky më vonë u sekuestrua nga policia ndërsa edhe vetë ish-missi është shoqëruar në polici në prill.
Por pavarësisht situatës së keqe që po kalon i dashuri i saj, Trejsi duket se vazhdon të jetë e qetë dhe të shijojë luksin, të paktën kështu shfaqet në rrjetet sociale.
Kush është Leonard Duka?
Leonard dhe Erlis Duka kishin ngritur “perandorinë” e tyre që operonte kryesisht në zonën veri-lindore të Tiranës, por gjithçka ndryshoi në raportet e tyre me grupin e Ervis Martinajt, ky i fundit mori peng dhe dhunoi fizikisht babanë e tyre për shkak të rivalitetit mes tyre në tregun e lojërave të fatit. Vëllezërit Duka nuk ia falën këtë Martinajt dhe filluan vrasjen e personave pranë tij. Ekzekutimi më i famshëm ishte ai i policit Santiago Malko në rrugën “Xhanfize Keko” në gusht të vitit 2019 në Tiranë. Malko ishte një ndër personat më të afërt të Martinajt, me të cilin nisi edhe saga e ekzekutimeve ndaj njerëzve të “bosit të lojërave të fatit”.
Dukajt thuhet se ishin betuar deri në elemiminin e ushtarit të fundit të Martinajt dhe vetë kundërshtarit të tyre më të madh. Për ata që e njohin, e dinë se Leonard Duka vetëquhet tek miqtë e tij si “Princi Damian”, një nofkë e cila sipas tij reflekton luksin dhe jetën që ka.
Hakmarrja e vëllezërve Duka janë ato që sollën vrasjet e vazhdueshme të njerëzve të Ervis Martinajt duke çuar së fundmi edhe në zhdukjen e tij. Policia nuk ka asnjë informacion zyrtar mbi fatin e Martinajt.
