Brad Pitt dhe Angelina Jolie dyshohet se kanë patur një zënkë të çmendur në lidhje me fëmijët e tyre, ndërsa ishin në bordin e një avioni. Vetë aktorja ka cituar “shëndetin e familjes” si arsye për divorc.
Por “Harpers Bazaar” ka publikuar sot më shumë detaje në lidhje me problemet që kanë patur dy aktorët dhe që supozohet të kenë shkaktuar ndarjen. Kështu, sipas burimeve, Pitt donte që fëmijët të qëndronin në shtëpinë në New Orleans, të ishte baza e tyre dhe të ndiqnin shkollën atje, ndërsa Jolie preferonte t’i merrte me vete kudo dhe t’u bënte mësim në shtëpi.
Pitt gjithashtu raportohet se ka qenë prindi më i rreptë nga të dy, edhe pse “ai nuk është një rreshter i rreptë”, tregon burimi. Ai këmbëngulte për rregulla, që fëmijët të shkonin në shtrat në kohë.
“Brad i mëson ata të jenë qenie njerëzore të respektueshme. Angelina i lejon fëmijët që të sillen keq”, thotë një burim tjetër. Por një burim në anën e Jolie, thotë se Pitt bërtet shumë, veçanërisht ndaj fëmijëve dhe se “ka pasur disa raste kur Angie është tmerruar”.
Departamenti i Fëmijëve në Los Angelos po heton mbi incidentin e dyshuar në aeroplan, dhe “People” raporton se Pitt është duke bashkëpunuar dhe kryer një sërë testesh droge.
Një burim tjetër në anën e Pitt-it tregon se Jolie ka qenë e pakënaqur për një kohë dhe zënka në avion i dha asaj një shtysë për t’i dhënë fund martesës dhe për “të shkatërruar” Pitt.
Burimi: Harpers Bazaar
