Një tërmet i fuqishëm me magnitudë 6.1 ballë të shkallës Rihter goditi këtë të martë rajonin e Ikës në jug të Perusë, duke shkaktuar panik dhe shqetësim të madh te banorët e zonës. Sipas autoriteteve vendase, deri më tani nuk janë raportuar dëme të mëdha materiale apo viktima, megjithatë lëkundjet sizmike u ndjenë fuqishëm në disa qytete dhe detyruan shumë njerëz të linin shtëpitë dhe ambientet e punës.
Sipas Institutit Gjeofizik të Perusë (IGP), tërmeti u regjistrua në orën 12:57 sipas kohës lokale, ndërsa epiqendra e tij u lokalizua rreth 41 kilometra në jug të qytetit Ika, kryeqyteti i rajonit me të njëjtin emër, i cili numëron rreth 453 mijë banorë.
Ekspertët bënë me dije se lëkundja kishte një thellësi fokale prej 81 kilometrash, çka ndikoi që tërmeti të ndihej në një zonë më të gjerë, përfshirë edhe kryeqytetin Lima, që ndodhet rreth 400 kilometra larg epiqendrës.
Banorët e zonës treguan momentet e frikshme që përjetuan gjatë lëkundjeve të forta. Një qytetar i intervistuar nga radioja vendase RPP tha se tërmeti ishte jashtëzakonisht i fortë.
“Lëkundja ishte shumë e fuqishme. Menjëherë dola në rrugë bashkë me bashkëshorten time,” rrëfeu ai.
More damage was reported in Ica, Peru, after the 6.1 earthquake, with visible cracks and partial collapses. #Sismo #Temblor https://t.co/w6fVumpb3x pic.twitter.com/h9RWbCA35j
— GeoTechWar (@geotechwar) May 19, 2026
Sipas mediave peruane, shumë qytetarë të alarmuar dolën me shpejtësi nga shtëpitë, dyqanet dhe bizneset në qytetin e Ikës, duke kërkuar strehim në zona të hapura nga frika e pasgoditjeve.
Pavarësisht panikut, autoritetet konfirmuan se deri në këto momente nuk ka raportime për dëme serioze infrastrukturore, ndërsa ekipet e emergjencës dhe mbrojtjes civile po monitorojnë situatën në terren për të verifikuar çdo pasojë të mundshme.
Peruja konsiderohet një nga vendet me aktivitet sizmik të lartë, pasi ndodhet në të ashtuquajturin “Unaza e Zjarrit e Paqësorit”, një zonë ku takohen disa pllaka tektonike dhe ku regjistrohen shpesh tërmete të forta dhe aktivitet vullkanik intensiv.
Ky tërmet riktheu edhe një herë shqetësimin e popullsisë për rrezikun sizmik në rajon, ndërsa autoritetet u kanë bërë thirrje qytetarëve të qëndrojnë vigjilentë dhe të ndjekin udhëzimet e sigurisë në rast të lëkundjeve të tjera.
Reports from Ica, Peru, say students at San Juan Bautista University saw fallen walls and debris after the 6.1 earthquake, with additional damage also reported at UTP, Megaplaza, and other places. #Sismo #Temblor https://t.co/UbDruIXndQ pic.twitter.com/EIiG71A6Ie
— GeoTechWar (@geotechwar) May 19, 2026
