Olivier Rousteing paraqiti koleksionin e tij të fundit në Paris mbrëmë dhe një gjë është e sigurt: Nuk ishte ushtria Balmain e të kaluarës. Dizajnuesi shkroi në një letër për të ftuarit: “Ushtria ime Balmain ka nxjerrë forcat e blinduara”.
I frymëzuar nga femrat e fuqishme, ky koleksion i Rousteing flet për “një mënyrë të qetë, me besim dhe modern se si ato e përballojnë jetën”, shkruante ai.
“Ato femra nuk kishin asnjëherë turp të tregonin anën e butë, duke ditur se nuk është më e nevojshme të bërtasin”, thuhej në shënim.
Para shfaqjes, Doutzen Kroes, Alessandra Ambrosio, Hailey Baldwin, Josephine Skriver dhe shumë top modele të tjera u panë duke arritur në vendndodhje.
Kim Kardashian-West dhe Kourtney Kardashian u dalluan në rreshtin e parë, ndërsa banda po përgatiste instrumentet për të luajtur.
“Qetësia e pasarelës së stome të kopshtit reflekton një frymë të një epoke të re”, shkruante Rousteing. Ndërsa dizajnuesit duket se ka qenë gjithmonë për gjërat e ngushta, këto veshje ishin të lirshme nga trupi. Tërheqja joshëse është ende, por në një mënyrë ndryshe.
Natasha Poly hapi shfaqjen me ngjyrën kafe karakteristike të Balmain.
Gigi Hadid e ndoqi me një ngjyrë të ngjashme, por me një jumpsuit të hapur përpara. Veshjet ishin shumë delikate dhe të lirshme, ndryshe nga ushtria tipike që jemi mësuar të shohim.
Xhaketat dhe pantallonat me dizajnë lëkurë gjarpri, në ngjyrë të kuqe, jeshile dhe kafe, u sollën gjithashtu në stilin e tyre të lirshëm. Ndërsa me fjalën përforcime, Balmain me siguri ka pasur në mendje veshjet e tejdukshme.
Ndërsa shfaqja vazhdonte, ne hymë në pjesën e shkëlqimit. Ndërsa shfaqja përfundoi, Rousteing u shfaq për të përshëndetur audiencën.
*Shfleto galerinë
Burimi: Elle
