Nëse po ndjenit mungesën e Leonardo DiCaprio në skenën e filmit së fundmi, një trailer i ri nga dokumentari i tij për ndryshimet klimatike do t’ju japë pakëz dritë se ku ka humbur dhe një arsye më shumë për ta dashur.
Dokumentari i ri ambicioz i Leos, “Before the Blood”, ku ai shikohet duke udhëtuar dhe duke folur me shkencëtarët, politikanët dhe ambientalistët për atë që e quan si “çështja më e rëndësishme e kohëve tona”.
Fisher Stephens drejton projektin, ndërsa DiCaprio e ka përgatitur nën kompaninë e filmit Appian Way dhe e rrëfen.
“Unë thjesht dua të di se sa larg do të shkojmë dhe nëse ka ndonjë gjë që mund të bëjmë për ta ndaluar atë”, thotë DiCaprio.
Aktori nuk ka frikë t’i drejtojë gishtin vendit të tij si fajtor të efekteve shkatërruese, duke deklaruar se, “SHBA ka qenë makineria që nxjerrë më shumë gazra serë në histori dhe se gjysma e njerëzve ende nuk besojnë në ndryshimin e klimës”.
Ai ka marrë në intervistë figura të larta të shoqërisë, si Papa Françeskun dhe Presidentin Obama.
Dokumentari është tashmë i piketuar për “Oscar” dhe mund ta shikoni atë në kanalin “National Geographic” në 171 vende të botës, nga 30 tetori.
Burimi: Marie Claire
