Gerard Pique dhe Clara Chia Marti nuk e fshehin më romancën e tyre, edhe pse katalanasi vazhdon të luftojë për kujdestarinë e fëmijëve të tij me Shakirën.
Pique dhe partnerja e tij e re së fundmi shijuan udhëtimin e tyre në Paris. Pas kësaj eksperience së bashku, Pique ka komentuar lidhjen e tij aktuale duke e krahasuar me marrëdhënien që kishte me Shakirën.
Siç zbulon ‘Caras’, një burim pranë mbrojtësit të Barcelonës ka thënë se vetë lojtari u kishte thënë:
“Ndihem më i ri”, duke u mburrur me diferencën në moshë mes të dashurës së re dhe ish-it.
Gjatë të njëjtit udhëtim, Pique dhe Clara Chia Marti u fotografuan duke u puthur në një restorant në kryeqytetin francez. Rastësisht, thuhet se ai restorant është pika e preferuar e Shakirës për të ngrënë në Paris.
Lufta mes Piques dhe Shakirës për kujdestarinë e fëmijëve të tyre duket se nuk ka fund. Që kur ata njoftuan ndarjen e tyre, janë përfolur shumë se çfarë do të ndodhë me fëmijët.
Nga njëra anë, Gerard Pique është i bindur se Milan dhe Sasha duhet të qëndrojnë në Barcelonë me të për të mos u ndarë nga rrethi në të cilin kanë lindur.
Refuzimi për të arritur një marrëveshje nga ana e futbollistit ka shkaktuar polemika, ndërsa Shakira synon të marrë fëmijët me vete në Miami, ku ka një shtëpi dhe ku dëshiron të vazhdojë karrierën e saj muzikore.
