Rayan, 5-vjeçari që kishte mbetur për 4 ditë nën tokë në Marok, është arritur të nxirret ditën e shtunë i pajetë.
Lufta me kohën e ekipeve të shpëtimit në Marok ku një djalë 5-vjeçar kishte rënë në një pus, pati një fund tragjik. Lajmi se Ryan-i i vogël u nxor nga pusi mbi 30 metra i thellë i pajetë pas shumë orësh në agoni solli trishtim kudo në botë pasi ngjarja po ndiqej nga sytë e të gjithëve.
Sipas The New York Times, të bashkuar për ditë me shpresë, marokenët dhe të tjerë në Afrikën veriperëndimore, papritmas u bashkuan në pikëllim.
“Doja të besoja se mrekullitë ende ndodhin. Si vend, kishim nevojë për pak shpresë, dhe megjithëse fundi ishte tragjik, ai na bashkoi të gjithëve. U preft në paqe”, tha një mjek.
Babai i djalit tha se ai kishte qenë duke riparuar pusin kur djali ra brenda, afër shtëpisë së familjes. Pasi morën vesh lajmin tragjik për djalin, ata shprehën dhimbjen e madhe për humbjen e tij dhe falenderuan këdo që kishte ndihmuar.
Presidenti i Francës, Emmanuel Macron dhe shumë liderë të tjerë kanë ofruar të gjithë ngushëllimet e tyre. Papa Françesku, teksa mbante zi për humbjen e Rayan-it, vlerësoi pamjen “e bukur” dhe mënyrën se “si të gjithë njerëzit u mblodhën së bashku” në përpjekje për të shpëtuar një fëmijë.
