Motivi më i madh që gjeti një 35-vjeçare për t’u dobësuar 50 kilogramë, ishte një ofendim i bashkëshortit të saj.
“Lopë e shëndoshë” ka qenë fyerja që e ka dëgjuar disa herë dhe që e ka motivuar për të humbur jo pak, por 50 kile. Sigurisht, edhe për të kërkuar divorcin.
Jen Mellor, 35 vjeçe, e martuar për disa vite me radhë me Andy-n, burrin që jo rrallë e fyente për shkak të peshës, vendosi të ndryshonte jetën e saj. Ajo, brenda pak kohësh, u njoh me dikë tjetër dhe u martua sërish.
“Më vinte në siklet edhe në prani të të tjerëve. Nuk e kuptonte se kështu po zhytesha më shumë në dëshpërim dhe shkoja gjithnjë drejt ushqimit”, tregon ajo.
Një ditë ajo vendosi të mos e tolerojë më të shoqin dhe fillimisht nisi një dietë. Pasi u bë një grua e dëshiruar për sytë e tij, vendosi ta linte për një tjetër.
*Shfleto galerinë
