Ashtu siç u paralajmërua dhe u përfol së fundmi, në “Përputhen” do të kishte hyrje të reja, të cilat në fakt kanë qenë një herë pjesë e programit në të kaluarën.
Në “PRIME”-n e mbrëmjes së sotme, u zbulua se konkurrenti i ri mes djemve që do të ribëhej pjesë e programit ishte pikërisht Edi.
Bora Zemani shpjegoi se produksioni kishte vendosur që t’i jepte një shanc të dytë Edit, duke patur parasysh faktin se edhe dyshja Alvisa-Bashkim ishin takuar jashtë programit, nuk u dënuan, dhe u krijua rrjedhimisht në emision çifti i parë.
Ndaj, rikthimi i Edit u pa si një mundësi për të krijuar mundësi dhe dashuri të reja.
Që në hyrjen e tij, ai kërkoi që të zhvillonte një kërcim romantic me njërën nga vajzat. Zgjedhja e tij e parë ishte pikërisht Ana.
Nuk e dimë nëse ky është një fillim i mbarë për dyshen dhe nëse midis tyre do të lindë diçka.
Rikujtojmë se Ada dhe Edi u përjashtuan të dy nga emisioni pasi ata dy kanë shkelur rregullat e programit. Në rrjetet sociale qarkulloi një video ku ata, edhe pse me kapuç për të mos u njohur, kanë qenë duke darkuar bashkë në një restorant.
Edi reagoi lidhur me pëjashtimin nëpërmjet një “live” në “Instagram”.
“(I drejtohet Adës), a po don me tregu ti, a po don me tregu, për çka jena përjashtu? Jena përjashtu shkaku, se na kanë nxon në restorant tu hongër bukë. Janë disa persona që janë të emisionit që kanë qenë aty edhe flasin që na nuk i kena nxjerr fotot, po ata janë kon t’vetmit persona që jon ardh te na dhe na kanë fol e na kanë thon rujuni mos ju nxon dikush, amo jon kon ata që na kanë bo foto. Unë e Ada e pranojmë që jena kon bashkë, si njoh mirë vendet këtu.”- tha ai.
