Në familjen e reperit të njohur shqiptar, Vig Poppa sot ka festë pasi bashkëshortja e tij, Ena ka ditëlindjen.
Në këtë ditë kaq të veçantë nuk kishte si të mungonte një urim mjaft special nga Poppa për gjysmën e tij më të mirë. Ai ka përzgjedhur disa fotografi përkrah partneres, të cilës i ka shprehur dashurinë me fjalët më të ëmbla.
“Çfarë grua e mrekullueshme je. Gruaja ime, dashuria ime, shoqja ime e ngushtë. Urime ditëlindja. Të dua shumë”, ka shkruar reperi krahas fotove.
Përsa i përket jetës së tij profesionale, së fundmi ai është rikthyer me dy projekte shumë të fuqishme. Reperi realizoi dy bashkëpunime, njëri prej tyre me Dj Geek me titullin “Futja Kepën”. Ndërsa dueti tjetër është “Alo” në bashkëpunim me Ronela Hajatin, një ripunim i këngës së vjetër shqiptare, të cilën publiku e priti shumë mirë.
Mirëpo fansave të Vip Poppës ju ra në sy edhe transformimi fizik që ka pësuar reperi. Në videoklipet e fundit ai shfaqet me disa kilogramë më pak dhe në një intervistë të dhënë për “Telegrafi” ka treguar se si ka rënë nga pesha.
Ai ka zbuluar se ka humbur plot 45 kilograme deri më tani dhe se është kënaqur shumë me rezultatin.
“Deri tash i kam humbur 45 kilogramë, me ushtrime e jetesë të shëndetshme”, ka treguar Vig Poppa.
