Luana Vjollca portretizohet nga publiku si e qeshur, shumë pozitive, e dedikuar ndaj të ftuarve dhe shumë e kuruar. Mirëpo, personat që e njohin nga afër e dinë se përveç kësaj ane që ne shohim në ekran, Luana është shumë punëtore, strikte, dhe detajiste ndaj çdo pjese të emisionit.
View this post on Instagram
Këtë anë të moderatores e paska parë edhe Getinjo, i cili ishte i ftuar në “Shiko kush luan” disa javë më parë. Madje ai e ka imituar edhe në emision.
Në një video të shpërndarë në Instastory nga Luana, reperi shihet teksa e imiton atë se si është pas skene. “Ç’a është ajo zhurma aty mbrapa? Asnjë zë nuk dua të ndjejë më! Është hera e fundit që ju them!”- thotë Getinjo.
Krah videos Luana ka shkruar “Po më imiton mua jashtë kamerave!”
Kujtojmë se edhe tri puntata kanë mbetur nga finalizimi i “Shiko kush luan”. Ishte vetë Luana ajo që lajmëroi disa ditë më parë në rrjetet sociale se emisioni mbyll sezonin më 30 janar, teksa ftonte fansat të shprehnin sugjerimet e tyre për episodet e mbetura.
Kujtojmë se ky sezon i “Shiko kush luan” ka qenë një sukses i vërtetë, duke e renditur atë në shumë sondazhe si emisionin më të ndjekur dhe pëlqyer nga publiku.
