Nata e 9-të e “Love Story” kishte rezervuar vetëm puthje dhe presim që një nga tre gocat të eleminohen javën e ardhme. U kërkojmë ndjesë sepse s’duam të ndjellim ters, por thjesht kjo është “metodologjia” e Saimirit.
Si fillim, e zgjedhura e Saimirit për një takim privat këtë herë ka qenë Flavia, për të cilën ky është takimi i parë i gjatë. Ata kanë bërë gara me njëri-tjetrin, teksa nuk kanë munguar as skenat romantike pasi kanë shkëmbyer edhe një puthje në buzë.
Po ashtu, edhe Meri ka qenë e zgjedhura e Saimirit për një takim të gjatë privat, teksa ndryshe nga herët e tjera, dyshja kanë shkëmbyer puthjen e parë.
Veç të tjerash, Meri e ka pyetur 33-vjeçarin se si po e përballon eksperiencën para kamerave, ku ai ka thënë se nuk ka siklet më të madh.
Tani siklet më të madh nuk ka, jam në qendër të vëmendjes, por kjo ishte rruga për të gjetur dashurinë dhe do ta çoj deri në fund.
Dhe një puthje për Generdën, një nga vajzat që i është bashkuar kastit së fundmi. Teksa kishin dalë për shopping së bashku, në një moment kur 33-vjeçari po provonte rrobat, Generda është futur në dhomën e zhveshjes, ku kanë ndarë edhe puthjen e parë mes tyre.
Kujtojmë se mbrëmjen e sotme, Saimiri eleminoi Arjanën me të cilën na dhuroi disa skena të nxehta në dush. Mirëpo, ai tha se mes tyre nuk ka asgjë përtej tërheqjes fizike.
