Miley Cyrus dhe miku i saj i fëmijërisë, Cody Simpson, nisën një romancë së bashku në fillim të këtij viti dhe gjërat dukeshin perfekte mes tyre.
Në rrjete sociale nuk munguan dedikimet e shumta për njëri-tjetrin dhe fotot e nxehta, mirëpo nuk dimë ç’ndodhi dhe gjithçka përfundoi sa hap e mbyll sytë.
Në muajin gusht, Miley dhe Cody i dhanë fund marrëdhënies pa kthim prapa dhe pa i dhënë më asnjë shans njëri-tjetrit.
Madje, Cody ka vazhduar me jetën e tij dhe ka gjetur një partnere të re, me të cilën ka zyrtarizuar marrëdhënien.
23 vjeçari ka publikuar një foto me modelen, Marloes Stevens, duke zyrtarizuar kështu romancën e tyre dhe duket se i ka thënë “bye bye” Miley-t njëherë e mirë.
Nga ana tjetër, Miley duket se është gati për një tjetër romancë në jetën e saj. Së fundmi këngëtarja ka treguar se çfarë kërkon tek njeriu që do të ketë përkrah dhe i ka habitur të gjithë me deklaratën e saj. Ajo është shprehur se lidhjet e saj të mëparshme i ka shijuar shumë, por tani po kërkon për një njeri “të mërzitshëm”.
“Kam nevojë për një njeri të qetë. Dua dikë të mërzitshëm, por të sigurt”, është shprehur Miley.
