Gjatë ditës së sotme, mësohet se nëntë mësues dhe një nxënës kanë rezultuar të infektuar me Covid-19 në qytetin e Kukësit.
Sipas raportimeve, dy prej mësuesve janë infektuar në Has, ndërsa 7 të tjerë në qytetin e Kukësit.
Bëhet me dije se të infektuarit janë në gjendje të mirë shëndetësore dhe janë karantinuar pasi daljes së rezultatit të tamponëve.
Po ashtu edhe në Tropojë mësohet se një edukatore e një kopshti në qytetin verior, është infektuar me Covid-19.
Pas zbulimit të këtyre vatrave të reja me covid-19, Prefekti i Qarkut Kukës, Zenel Kuçana,ka deklaruar që rastet janë identifikuar dhe izoluar, duke mos përbërë më kështu rrezik transmetimi.
Kuçana gjithashtu tha se e vetmja problematik në të gjithë rajonin është mos respektimi i masave nga qytetarët.
“Problematik vijon të mbetet mosrespektimi i masave nga qytetarët. Pavarësisht rritjes së numrit të personave të infektuar me koronavirus, një pjesë e qytetarëve nuk i vendosin maskat mbrojtëse ose i mbajnë poshtë mjekrës ndërsa lëvizin në rrugët e qyteteve te qarkut Kukes,”, ka thënë prefekti i qarkut të Kukësit, Zenel Kuçana./Iconstyle.al/
