Presidenti Biden ka rezultuar pozitiv me COVID-19 , konfirmoi Shtëpia e Bardhë të mërkurën, duke shkaktuar një sërë pyetjesh në lidhje me shëndetin dhe gjendjen e tij.
Aktualisht Biden është duke u izoluar në shtëpinë e tij në Delaware pas kontraktimit të COVID.
“Presidenti Biden ka ende një kollë dhe ngjirurit e zërit, por simptomat e tij vazhdojnë të përmirësohen në mënyrë të qëndrueshme”, thotë doktor Kevin O’Connor.
“Pulsi i tij, presioni i gjakut, ritmi i frymëmarrjes dhe temperatura mbeten absolutisht normale,” tha O’Connor në një deklaratë të lëshuar nga Shtëpia e Bardhë, i cili shtoi: “Ngopja e tij me oksigjen vazhdon të jetë e shkëlqyer në ajrin e dhomës. Mushkëritë e tij mbeten të pastra.”
Zoti Biden përfundoi dozën e tij të gjashtë të Paxlovid, ilaçi që lidhet me uljen e rrezikut të shtrimit në spital ose vdekjes.
Doktor O’Connor tha gjithashtu se zoti Biden ka një variacion COVID që përbën rreth një të tretën e infeksioneve të reja në SHBA.
