Prej disa javësh tashmë Shqipëria po ecën shumë keq me statistikat e Covid-19, ku numri i të vdekurve në vend i ka kaluar 500 dhe rastet e reja ditore janë rreth 300.
Vatra më e madhe është padyshim Tirana që ka edhe popullsinë më të madhe në vend. Por, bashkia e Tiranës duket se ja ka futur gjumit pasi prej kohësh nuk është parë asnjë makinë për të dezinfektuar vendin.
Gjithashtu të gjitha rrugët janë të mbushura me maska të hedhura të cilat janë shumë problematike dhe të rrezikshme për njerëzit.
Përveçse nuk po bën asnjë lloj dezinfektimi, bashkia nuk po bën dot as pastrimin e qytetit nga këto maska, gjëja më minimale që duhej të bënte.
Por s’ka si të ndodhë ndrysh pasi Veliaj e ka mendjen tek fushata për të marrë mandatin e tretë dhe nuk shqetësohet fare për shëndetin e qytetarëve.
Madje këto mbledhje partiake që bëhen në shumë raste simpatizantët e PS-së shfaqen pa maska dhe askush prej tyre nuk është gjobitur edhe pse në dit po gjobiten nga 700 qytetarë.
Qeveria shqiptare dhe bashkia Tiranë deri më tani nuk po bëjnë asgjë të duhur në menaxhimin e kësaj situate.
Njerëzit nuk kanë nevojë për propagandë, kanë nevojë për përkujdesje dhe udhëzime se si ta përballojmë sa më mirë këtë pandemi që ka prekur të gjithë botë dhe po tregon se është më e rrezikshme seç duket.
Maskat që hidhen nëpër rrugë janë shumë të dëmshme pasi ato mund të mbajnë viruse të shumta dhe jo vetëm Koronavirusin.
Por në rast se një person ka qenë i infektuar me Covid dhe maskën e ka hedhur në rrugë, është një burim shumë i madh infeksioni.
Disa studime të bërë nga shkencëtaret e huaj janë shprehur se Covidi mund të qëndrojë edhe në ajër për disa orë, ndërsa në maska akoma edhe më shumë.
