Jeni të lodhur nga “kurthet” turistike? Nga pushimet verore në të njëjtat vende? Po, e njëjta gjë edhe për ne. Ne ju propozojmë 6 destinacionet “must” që duhet të eksploroni para se ta bëjnë të tjerët.
1.Ishujt Faroe
Nëse keni ndërmend të vizitoni Danimarkën këtë verë, nuk duhet kurrsesi të humbisni Ishujt Faroe.
Nëse kërkoni që të jeni larg turmave të njerëzve, këta 18 ishuj janë destinacioni perfekt për ju këtë stinë vere.
2.Franciacorta në Itali
Ky vend ndodhet në Italinë Veriore, sapo del nga Milano. Nëse jeni një pije-dashës, ky është vendi perfekt për të kaluar pushimet tuaja, pasi aty ndodhen mbi 100 kantina vere.
3.Ishulli Brac në Kroaci
Së fundmi Kroacia është kthyer në një destinacion të preferuar për turistët. Shumica e njerëzve që kalojnë pushimet në Kroaci, vizitojnë Split-in, Hvar-in dhe Dubrovnikun dhe nuk kërkojnë për zbulimin e destinacioneve të reja siç është Ishulli Brac, i cili është i famshëm për ullinjtë. Në këtë ishull madje do të gjeni edhe Muzeun e Vajit të Ullirit.
4.Bergen, Norvegji
Ndodhet në bregun perëndimor të Norvegjisë, ky qytet është i njohur për ndërtesat me ngjyra dhe rrugët me kalldrëm. Nëse do të bëni një udhëtim me teleferik në këtë qytet, do të shijoni një pamje të mrekullueshme gjatë perëndimit të diellit.
5.Provence, Francë
Kur bëhet fjala për Francën, shumë prej nesh na shkon mendja tek Parisi apo Kana, por ja një destinacion i mrekullueshëm që duhet patjetër ta vizitoni nëse udhëtoni drejt Francës këtë verë. Rajoni juglindor i Provence-s është një vend shumë piktoresk, i mbushur me fusha livande dhe ullinj.
6.Folegandros, Greqi
Në vend që të rezervoni pushime në Mikonos apo Santorini, kur bëhet fjala për Greqinë, ju sugjerojmë të vizitoni ishullin Folegandros, një vend i cili të mahnit me pikëpamjet tradicionale greke. Ky ishull është mjaft i qetë dhe jo i mbipopulluar si disa prej ishujve të tjerë të Greqisë.
Burimi: Marie Claire
