Ka ndërruar jetë një pacient 69-vjeçar nga komuna e Suharekës, duke u çuar kështu në 9 numrin e viktimave nga virusi në Kosovë.
Qendra Klinike Universitare e Kosovës ka bërë të ditur se pacienti ishte pranuar 5 ditë më parë në klinikën Infektive, në gjendje të rëndë dhe kishte probleme kardiake.
Sipas raportit 24 orësh, në Klinikën Infektive po trajtohen 53 raste pozitive me COVID-19, ndërsa janë shëruar 3 pacientë.
Në mjekimin intensiv të klinikës janë 3 pacientë në gjendje kritike, prej të cilëve njeri është në aparat oksigjeni dhe përkujdesje intensive, si dhe dy pacientë janë në ventilim mekanik.
Numri i të infektuarve në Kosovë ka arritur në 387, i të shëruarve 69, ndërsa deri tani janë shënuar 9 viktima.
