Këngëtarja Sara Bajraktari, e cila fitoi çmimin e tretë në “Festivalin e RTSH-së” këtë vit, ishte e ftuar në emisionin “Rreze Dielli”.
Ndër të tjera, Sara sqaroi se historia se prindërit e saj janë të divorcuar nuk është e vërtetë.
Këtë e tha vetë Alketa gjatë prezantimit të këngës së Sarës, mirëpo këngëtarja e ka përgënjeshtruar.
“Prindërit e mi nuk janë të divorcuar. Kënga është vullnet i lirë, ajo këngë mund të merret edhe si këngë dashurie, për motrën, për vëllain. Prezantuesja e prceptoi në atë mënyrë, u duk sikur e kishte për mua, por e kishte për veten e saj ndoshta. Unë ngela e habitur, thashë “kur u divorcuan” jam habitur nga kjo gjë”- ka sqaruar këngëtarja sipas “Shqiptarja.com”.
Më tej, Sara tregoi se kishte përjetuar emocione të mëdha gjatë këtij festivali dhe ndjekësit e saj janë shtuar më shumë.
