Ylli Limani ka publikuar këngën e tij të re në YouTube që titullohet “S’ki me m’pa” dhe është gati të thyejë zemra!
Këngëtari zbuloi se kjo këngë po punohej prej tij për dikë tjetër, por duke qenë se kënga nisi të shpërndahej gjithandej paraprakisht, ai vendosi ta publikojë si këngë të tij.
“Filloi si demo e punuar nga unë për dikë tjetër, u shpërnda, u pëlqye dhe ja ku e keni si demo, në tërësi”, ka shkruar Ylli në Instagram.
https://www.instagram.com/p/B5BbJ6GAosP/
Kënga e cila ka ditë që është publikuar online, është mjaft ritmike edhe pse me një tekst disi të trishtë që të bën të mendosh nëse është apo jo histori personale e këngëtarit!
“S’ki me m’pa,
S’ki me m’pa,
as në ëndërr s’ki me m’pa,
se nuk kthehna edhe jetën me ma marr”, është ky refreni i këngës së Yllit e cila vijon më tej:
“S’më the kurrë faleminderit,
s’më the kurrë prit mos shko,
s’ki me pa dritë pas territ,
e ishalla kurrë më s’të shoh”.
Nuk e dimë nëse kjo këngë është histori personale ashtu si kënga “Nuk po kalojka” e Yll Limanit.
Këngëtari është shprehur më herët se është gjetur në situatën që ka pasur në zemër dikë që ka pasur në zemër tjetërkënd.
Të jetë i tillë rasti edhe në këtë këngë?!
