Aktori shumë i njohur dhe ndër të preferuarit e femrave, Johnny Depp, është sërish single.
Lidhja e tij me modelen ruse Polina Glen u zbulua nga mediat në fillim të këtij viti, por ata kishin më shumë kohë së bashku.
Madje, Depp kishte bërë plane për martesë me modelen, megjithatë duket se Polina është frikësuar nga kjo ide.
Burime pranë çiftit kanë treguar për “Wanderwall” se modelja ruse kishte refuzuar ta çonte lidhjen në një stad tjetër dhe nuk ka pranuar që Depp të njihet me familjen e saj.
Sipas burimeve, Polina i kishte quajtur ‘çmenduri’ planet për t’u martuar me aktorin.
Për këtë arsye, modelja i ka dhënë fund lidhjes dhe është larguar për në Rusi, ku ka publikuar disa foto së fundmi.
